Խախտել եք խոշոր նախագծի ժամկետները, կարևոր նամակ եք ուղարկել ոչ ճիշտ հասցեատիրոջը, հաշվետվության մեջ թվային անճշտություններ են եղել: Բոլորն են սխալվում, բայց ոչ բոլորն են կարողանում ճիշտ դուրս գալ իրավիճակից:
Առաջինը, ինչ դուք ուզում եք անել` ընդունելով Ձեր սխալի լրջությունը, փակեք աչքերը և պատկերացրեք, որ այդ ամենը իրական չէ: Երկրորդ քայլը պետք է որոշել, թե ինչ կարելի է անել նվազեցնելու հնարավոր հետևանքները: ԱԿՍԵՊՏ կադրային կենտրոնի աշխատակիցները պատրաստել են խորհուրդներ, թե ինչպես դա ավելի ճիշտ կարելի է անել:
Ընդունեք Ձեր սխալը
Ընդունեք սխալը հնարավորինս շուտ: Եթե Ձեր բաց թողումը եղել է բավականին կարևոր, պետք չէ հուսալ, որ այն աննկատ կանցնի: Ինչքան շուտ տեղյակ պահեք գործատուին Ձեր սխալի մասին, այնքան մեծ կլինի հավանականությունը այն ուղղել: Սխալները ընդունելու ունակությունը և դրանք շտկելու փորձը բարձր է գնահատվում, ինչպես նաև նվազեցնում կրկնելու հավանականությունը:
Մի արդարացեք
Գուցե թույլ տված սխալը մի շարք պատճառներ և արդարացումներ ունի և մի գուցե դրանք չափազանց կարևոր են և արժանահավատ, բայց գործատուին դա քիչ է հետաքրքրում: Առավել կարևոր է թե ինչպես պետք է կանխեք այն ապագայում:
Ամեն ինչ արեք Ձեր հնարավորությունների սահմանում
Փորձեք ուղղել Ձեր սխալը մինչև վերջ, քանզի դա Ձեր պատասխանատվությունն է: Ինքնուրույն փոփոխեք փաստաթղթերը, հանձնեք այն հասցեատերերին, պայմանավորվածություն ձեռք բերեք հաճախորդների հետ նոր հանդիպման վերաբերյալ և այլն, արե՛ք ամեն ինչ, ինչ հնարավոր է:
Պատրաստ եղեք հետևաքներին
Որքան էլ, որ փորձեք հարթել Ձեր մեղքը, դուք եք կատարել այն և դուք եք պատասխանատու դրա համար: Նույնիսկ եթե ձեր մեղքը այնքան մեծ է, որ կհանգեցնի պաշտոնից ազատման, ապա պետք է համակերպվել և չմեղադրել դրանում ոչ մեկի: Ցանկացած սխալ, դա փորձ է, իսկ փորձը չի լինում անվճար:
«Թեթև» վերաբերվեք
Պետությունները ստեղծվել և վերացել են մարդկային սխալների պատճառով, լիովին խուսափել սխալներից անհնար է: Եթե սխալ եք թույլ տվել, ապա վերլուծեք այն, թե ինչպես կարելի է խուսափել նմանատիպ արարքներից:
Կանգ մի՛ առեք և մի՛ վշտացեք, այլապես Ձեզ մոտ ոչինչ չի ստացվի:
